Сяргей Яромка: «Гуляць будуць самыя моцныя, незалежна ад таго, у якой лізе яны выступаюць.»

Галоўны трэнер моладзевай зборнай Беларусі адказаў на пытанні журналістаў, напярэдадні маючых адбыцца матчаў каманды.

- Ці былі тыя, каго хацелі выклікаць, але не атрымалася?

- На сённяшні дзень спіс з 23 футбалістаў вызначаны. З хлопцамі я сустракаўся, усе яны прыбылі, акрамя Іллі Лукашэвіча - ён прыляціць з Сербіі адразу на трэніроўку. З страт - Улад Фядосаў, ён атрымаў сур'ёзную траўму. А так усё, каго я хацеў, прыехалі. Былі тыя людзі, якія проста адмовіліся. Але гэтыя прозвішчы я называць не буду.

- У спісе 6 чалавек з 1 лігі. Як ацэніце ўзровень другога дывізіёна для выкліку гульцоў у маладзёжку?

- Я паспрабую карэктна адказаць, не буду параўноўваць Вышэйшую і Першую лігу. Нават калі некаторыя футбалісты і кажуць, што розніца невялікая - яна вельмі вялікая. Сітуацыя складваецца так, што мне трэба прагледзець футбалістаў не толькі з першай лігі, але і з дублюючых складаў. 4 чалавекі знаходзяцца ў пашыраным спісе Нацыянальнай зборнай, з гэтым улікам гэты баланс трэба было папаўняць. Гэта нармальная сітуацыя. Гуляць будуць самыя моцныя, незалежна у якой лізе яны выступаюць.

- Наколькі вы прывыклі да працы ў зборнай?

- Да ўсяго прывыкаеш. Можна правесці паралелі, што калі футбаліст заканчвае і пераходзіць на трэнерскую працу, яму трэба хутчэй забываць функцыі футбаліста. Тут графік і спецыфіка іншыя. Я гэты выклік прыняў і я да яго гатовы.

- Ці цалкам сфармаваны трэнерскі штаб?

- Трэнерскі штаб сфармаваны. Ён зведаў сякія-такія карэкціроўкі ў апошнія дні. Гэта звязана з аб'ектыўнымі прычынамі. З тым жа Аляксандрам Кульчыям мы ў тэлефоннай размове вырашылі, што для яго лепш прыняць тую прапанову, якая яму паступіла. Яна не сумяшчальна з працай у моладзевай зборнай. На сёння трэнерскі штаб складаецца з Арцёма Радзькова, Сяргея Паўлюковіча, Дзяніса Парэчына. Медыцынскі штаб застаўся той жа, адзінае, што сюды дадаўся Аляксандр Мароз. І наш менеджэр - Глеб Стахоўскі.

- Які план на збор?

- Перш за ўсё, бліжэй пазнаёміцца з хлопцамі, сфармаваць калектыў, каб ён быў у псіхалагічным плане баяздольны. Ну і пазначыць тыя патрабаванні, якія футбалісты павінны выконваць. Пастараемся ў гэты прамежак часу данесці тое, каб гэта футбалісты выконвалі.

- У якой стылістыцы будзе гуляць маладзёжная зборная?

- Не будзем укараняцца ў гэтыя падрабязнасці. Вы бачыце, якая ў нас няпростая група. Будзем зыходзіць ад суперніка - ведаючы яго структуру гульні, але гуляць будзем ад сябе.

- Ахарактарызуйце нашага суперніка - Партугалію.

- Усе мы ведаем партугальскі футбол. Хацелася б адзначыць адну заканамернасць - усе каманды гуляюць па схеме 4-3-3 у атакуючы агрэсіўны футбол з высокім прэсінгам. Зыходзячы з гэтых момантаў мы і будзем будаваць сваю гульню.

- Абмяркоўвалі з Мархелем адзіную канцэпцыю гульні зборных?

- З Мархелем мы ў пастаянным кантакце. Гэтае пытанне мы не абмяркоўвалі - прыярытэт аддаецца нацыянальнай зборнай. Гэтыя правілы гульні я прыняў, і па іх я буду будаваць сваю працу.

- Адчуваецца ціск ад заўзятараў і спецыялістаў?

- Калі б я першы год працаваў у футболе, то хваляваўся б і адчуваў. А так няма - спакойная, рабочая абстаноўка. Заўсёды трэнер і каманда працуюць пад ціскам. Да гэтага трэба прывыкаць, гэта нармальная абстаноўка. Часам моманты ціску на трэнера падганяюць яго да плённай працы.

- Ставіліся ці перад вамі задачы ў групе?

- Група складаная. Хаваць не буду, у кантракце прапісана канкрэтная задача - выхад на Чэмпіянат Еўропы. Будзем ставіць немагчымае, максімальнае, невыканальнае - тады і атрымаем максімум.