Выклік у жаночую зборную

Нацыянальная жаночая зборная Беларусі стартуе ў кваліфікацыі чэмпіяната Еўропы УЕФА 2021 года. Стартавы хатні матч супраць зборнай Фарэрскіх астравоў адбудзецца 3 верасня на «Барысаў-Арэне». Стартавы свісток прагучыць а 20.00. Уваход вольны.

Для ўдзелу ў сустрэчы галоўны трэнер зборнай Юрый Малееў выклікаў 23 футбалісткі:

Брамніцы: Наталля Васкабовіч, Кацярына Кавальчук (абедзве- «Мінск»), Таццяна Чысцік («Зорка-БДУ», Мінск); 

Абаронцы:  Юлія Слясарчык, Настасся Новікава, Ксенія Кубічная, Вікторыя Казакевіч (усе- «Іслач-РДВАР», Мінск), Маргарыта Юшко, Ганна Казюпа (абедзве- «Мінск»);

Паўабаронцы: Настасся Ліннік, Настасся Шупо  (абедзве- «Мінск»), Настасся Шлапакова, Настасся Харланава, Паліна Гірчыц (усе- «Іслач-РДВАР», Мінск), Настасся-Гражына Шчарбачэня(PJK, Эстонія), Любоў Гудчанка, Ганна Піліпенка (абедзве- «Гінтра Універсітэтас», Літва), Віта Нікалаенка («Зорка-БДУ», Мінск), Кацярына Дудко («Неман», Гродна);

Форварды: Карына Альховік («Іслач-РДВАР», Мінск), Юлія Дубень («Мінск»), Дар'я Сцяжко («Зорка-БДУ», Мінск), Таццяна Краснова («Бабруйчанка», Бабруйск).

Адзначым, што нацыянальная жаночая зборная ўпершыню правядзе хатні матч на стадыене чацвертай катэгорыі.

Асацыяцыя «Беларуская федэрацыя футбола» заахвочвае ўсіх заўзятараў, неабыякавых да лесу нашых дзяўчын, завітаць на трыбуны і падтрымаць «белакрылых».