Юрый Малееў: «Нам неабходна ўзняцца на адну ці дзве прыступкі»

Галоўны трэнер нацыянальнай жаночай зборнай Беларусі Юрый Малееў падвеў вынікі першай сустрэчы кваліфікацыі чэмпіяната Еўропы УЕФА 2021 супраць Фарэрскіх астравоў.

-Як ужо казаў, я задаволены лікам, бо мы буйна перамаглі 6:0, аднак змест гульні мог бы быць лепшым, асабліва ў першым тайме. Нам трэба будзе шмат працаваць - асабліва над тактычнымі момантамі, каб больш пераканаўча выглядаць у кастрычніцкіх сустрэчах супраць Нарвегіі і Уэльса.

- У перапынку вы замянілі Маргарыту Юшко і Кубічная пачала гуляць крышку правей. Што справакавала гэтае рашэнне?

- Вы, напэўна, заўважылі, што ў нас не было добрага пачатку атакі. Я не хачу сказаць, што Марго дрэнны гулец, яна добры гулец, аднак у дадзены момант нам было патрэбна пачынаць наступ нізам, бо супернік не давай вольна пераходзіць з абароны на чужую палову. Гэты кампанент не атрымаўся ў Маргарыты, таму і адбылася замена.

- Вы мэтанакіравана распачыналі атакі праз Кубічную?

-Не. Для мяне таксама сур'езнае пытанне, чаму так адбылося. Бо калі ў нас ішла падрыхтоўка і былі двухбаковыя серыі, яна выглядала даволі няблага. Мы разлічвалі ўзмацніць сярэдзіну за кошт Ганны Казюпы. Не зусім атрымалася гульня, аднак трэба аналізаваць прычыны. Я не гатоў зараз адказаць. Магчыма, гэта звязана з мокрым полем. Калі дзеўчыны гуляюць на мокрым політ, то губляецца каардынацыя. Мы зрабілі карэктывы з улікам сітуацыі - і другі тайм правялі лепш, чым першы.

- Шмат сення коўзаліся. Было адчуванне, што дзеўчыны не прызвычаіліся гуляць на натуральным полі. Ці разглядалі магчымасць гуляць на штучным?

- Не, мы праводзілі трэніроўкі на натуральным полі добрай якасці цягам усіх васьмі дзен збору. Справа ў тым, што поле «Барысаў-Арэны» вельмі хуткае. За ім вельмі добра сочаць, траву годна падстрыгаюць - і мяч ходзіць хутка. Пасля паліву яно становіцца вельмі хуткім, а сенняшні дождж, можна сказаць, падвоіў ці нават патроіў хуткасць руху мяча па газоне. Любая недакладная перадача ў такіх умовах вяла да няўдалага прыему, адскоку ці памылкі. Таму я не думаю, што «Барысаў-Арэна» неяк паўплывала на гульню. Наадварот, такой стадыен надае двубою статус, і я спадзяюся, калі атрымаецца, мы працягнем тут гуляць наступныя сустрэчы кваліфікацыі.

-Цікавы каляндар у зборнай. Чатыры матчы дома, пасля чатыры - за межамі рэспублікі. Гэта задума трэнерскага штаба ці АБФФ?

- Мне складана ацэньваць. Зразумейце, я толькі ўзначаліў каманду і працую ў тых умовах, якія есць. Своеасаблівы каляндар, но, мажліва, яно да лепшага. Бо нам усе роўна давядзецца гуляць з кожным апанентам дома і ў гасцях. Як у нас атрымаецца, пабачым у канцы турніра. Канешне, верагодна лепей гуляць па чарзе матчы дома і за межамі краіны. Але калі так ужо атрымалася, я нічога не магу зрабіць. Атрымліваецца, мы гуляем першыя чатыры гульні дома, а Нарвегія, наколькі я зразумеў, гуляе чатыры гульні за мяжой.

- Ці абмяркоўвалі з кіраўніцтвам АБФФ задачы на турнір? Чаго чакаюць яны і чаго чакаеце вы?

- Я вам адкажу так: кіраўніцтва АБФФ пайшло нам на сустрач ва ўсіх пытаннях. Усе, што мы прасілі, яны выканалі. Што тычыцца задач, нам трэба адштурхнуцца і выступіць лепей, чым у двух мінулых адборачных турнірах. Як вы ведаеце, мы двойчы займалі апошняе месца ў групе, таму зараз нам трэба прыўзняцца на адну прыступку ці дзве. Я не гатовы зараз кідацца заявамі, што мы адужаем Нарвегію. Мы будзем намагацца гэта зрабіць, і я абяцаю, што гульня будзе лепшай, чым сення, па змесце. Але я пакуль не гатовы абяцаць, што мы пераможам. Магу сказаць, што мы згуляем з гонарам і супраць Нарвегіі, і супраць Уэльса.