Міхаіл Мархель: «Вельмі задаволеныя тым, што перамаглі»

Галоўны трэнер нацыянальнай зборнай Беларусі падвёў вынікі выязнога матчу супраць Эстоніі.

- Вельмі задаволены тым, што перамаглі. Асабліва ў барацьбе, на апошніх хвілінах. Не ўсё так гладка складвалася, асабліва на пачатку гульні. Другі тайм паказаў, што ў нас характар, воля і тыя людзі, на якіх можна будзе абапірацца ў далейшым.

- Каманда пачала актыўна другі тайм. Гэта планавалася?

- Папрасілі гульцоў не паўтараць памылак першага тайма, згуляць у ціск. У нас гэта атрымалася. Вельмі важна, як каманда праводзіць адрэзак пачатку таймаў.

- Чаму хутка прапусцілі гол у адказ?

- Гэта футбол. Усякае бывае. І мы забілі на апошняй хвіліне. Выразнага адказу чаму - не. Мы валодалі перавагай, добра, што так здарылася. Добра, што хлопцы не ўпалі духам, а працягвалі гуляць на перамогу. Лічу, у гэтым залог нашага поспеху.

- На колькі апраўдаліся чаканні ад гульні з Эстоніяй?

- Цалкам апраўдаліся. Вельмі добрая каманда, нам было цяжка. Тое што мы думалі ўбачыць - мы ўбачылі. Нам было вельмі цяжка перамагчы. Тым перамога прыемней. Я лічу, узровень эстонскай каманды высокі.

- Якія задачы будуць ставіцца на таварыскі матч з Уэльсам?

- Яшчэ не абмяркоўвалі гэтае пытанне, але, як я бачу, дамо больш магчымасцяў тым, хто не удзельнічаў сёння. Ратацыя абавязкова будзе, але яшчэ ёсць час падумаць.

- Хутка супернікі буду гуляць у Мінску. Якая ў вас задача да канца адборачнага цыкла?

- У нас стаіць задача зрабіць каманду, якая змагла б вырашыць задачу выхаду на ЧЕ-2020. Мы рыхтуем каманду да сакавіка, да паядынку з грузінамі. І ў сувязі з гэтым перамога ў Таліне вельмі важная. Мы даўно не выйгравалі: для хлопчыкаў, для мяне, як трэнера. Я вельмі рады, што мы гэтага дамагліся. Гэта як плацдарм на далейшыя гульні - будзем старацца гуляць на перамогу.

- Як вы думаеце зборная Эстоніі ў чымсьці падобная на грузінскую?

- Думаю, што гэта супастаўныя ўзроўні.