Зборная запрашае на матчы юных футбалістаў!

Напярэдадні сустрэч з камандамі Эстоніі і Нідэрландаў у рамках адбору да еўракваліфікацыі-2020, гульцы «белакрылых» падрыхтавалі прыемны сюрпрыз выхаванцам дзіцяча-юнацкіх школ краіны.
Нацыянальная дружына сумесна з кіраўніцтвам АБФФ вырашыла вылучыць шэраг сектараў падрастаючым талентам рэспублікі на сталічным стадыёне «Дынама» і даць самым актыўным з іх бясплатны доступ на трыбуны.

Старшыня АБФФ Уладзімір Базанаў: «Дзеці на трыбунах - гэта заўсёды шчырыя эмоцыі і актыўная падтрымка. Калі ж за зборную перажываюць рабяты, якія разумеюць, што такое футбол і мараць у будучыні прымерыць форму зборнай, энергетыка з трыбун падвойваецца. Таму мы вырашылі запрасіць на матчы супраць Эстоніі і Галандыі навучэнцаў СДзЮШАР, якім будзе радасна правесці вечар разам з «белакрылымі». Падкрэслю: гэта не разнарадка і не прымус. Мы хочам бачыць на гульнях выключна тых, каму дарагая галоўная каманда краіны - і таму запрашаем на трыбуны толькі жадаючых. А паколькі далёка не ва ўсіх юных рабят ёсць сродкі і магчымасці набыць квіток, робім для іх уваход бясплатным».

Для атрымання квіткоў кіраўніцтву школ неабходна даслаць у Асацыяцыю пісьмовую заяўку, дзе варта пазначыць жаданую колькасць месцаў у сектарах, а таксама кантактныя дадзеныя адказнай асобы ад навучальнай установы. Паперу варта дасылаць на факс +375172544483, альбо на электронны адрас info@bff.by. Адзначым, што колькасць бясплатных квіткоў абмежаваная.