Пашыраны спіс моладзевай зборнай

Сяргей Яромка вызначыўся з пашыраным спісам гульцоў, што выкліканыя на матчы кваліфікацыі чэмпіяната Еўропы УЕФА 2021 супраць зборных Нарвегіі і Кіпра.

Збор каманды U-21 будзе доўжыцца з 7 па 15 кастрычніка.11 кастрычніка ў 18.00 на стадыёне «Тарпеда» у Жодзіна беларусы згуляюць з нарвежцамі, а 15 кастрычніка нашу зборную чакае выязны двубой супраць Кіпра (Пачатак 15.30 па беларускім часе).

Галоўны трэнер уключыў у пашыраны склад моладзевай каманды 29 футбалістаў:

Брамнікі: Павел Паўлючэнка («Дынама-Брэст»), Станіслаў Кляшчук («Смалявічы»), Аляксандр Свірскі (БАТЭ, Барысаў).

Абаронцы: Арцём Шкурдзюк, Павел Шорац (абодва - РЦАР-БДУ, Мінск), Канстанцін Кучынскі («Белшына», Бабруйск), Уладзіслаў Глінскі, Уладзіслаў Малькевіч (абодва - БАТЭ, Барысаў), Данііл Нячаеў («Ліда»), Уладзіслаў Лях, Максім Швяцоў (абодва - «Дынама-Мінск»), Ілля Лукашэвіч («Пралетэр», Нові-Сад, Сербія), Юрый Крайко («Граніт-Мікашэвічы»), Глеб Шаўчэнка («Славія-Мазыр»).

Паўабаронцы: Раман Вягера, Уладзіслаў Яцкевіч (абодва - «Нёман», Гродна), Павел Сядзько, Дзяніс Грачыха (абодва - «Рух», Брэст), Максім Мякіш (БАТЭ, Барысаў), Сяргей Воўкаў («Віцебск»), Дзмітрый Барадзін («Смалявічы»), Арцём Пятрэнка («Славія-Мазыр»), Антон Суша, Аляксандр Ксенафонтаў (абодва - «Дынама-Мінск»), Дзмітрый Падстрэлаў («Дняпро-МЧЗ», Магілёў), Арцём Канцавы («Мэзэкевешд», Венгрыя).

Нападаючыя: Уладзіслаў Мухамедаў («Смалявічы»), Ілля Шкурын (РЦАР-БДУ, Мінск), Кірыл Кірыленка («Карпаты», Львоў, Украіна).

Канчатковы спіс з 23 футбалістаў вызначыцца 7 кастрычніка.