Выклік у нацыянальную зборную

Міхаіл Мархель вызначыўся з канчатковым спісам гульцоў, што выкліканыя на матчы кваліфікацыі чэмпіяната Еўропы УЕФА 2020 супраць зборных Эстоніі і Нідэрландаў.

Збор галоўнай каманды краіны будзе доўжыцца з 7 па 13 кастрычніка. Наша дружына змесціцца ў тэхнічным цэнтры Асацыяцыі «Беларуская федэрацыя футбола» і будзе трэніравацца на комплексе футбольных палеў АБФФ. 10 кастрычніка зборная Беларусі прыме зборную Эстоніі ў рамках шостага гульнявога дня кваліфікацыі ЕЎРА 2020. Супрацьстаянне на стадыене «Дынама» распачнецца а 19 па беларускім часе. Далей 13 кастрычніка «белакрылыя» згуляюць супраць каманды Нідэрландаў у рамках 7 гульнявога дня кваліфікацыі. Матч на стадыене «Дынама» распачнецца а 19 па беларускім часе.

Квіткі на матчы можна набыць на сайце і ў кропках продажу кампаніі  "тикетпро".

Галоўны трэнер уключыў у склад нацыянальнай каманды 23 футбалістаў:

Брамнікі: Аляксандр Гутар («Дынама-Брэст»), Антон Чычкан (БАТЭ), Ягор Хаткевіч («Іслач»).

Абаронцы: Аляксандр Мартыновіч («Краснадар», Расія), Дзяніс Палякоў («Урал», Екацірынбург, Расія), Сяргей Паліцевіч («Кайрат», Алма-Ата, Казахстан), Алег Вераціла («Дынама-Брэст»), Захар Волкаў (БАТЭ Барысаў), Сяргей Мацвейчык («Шахцер», Салігорск) ,Мікіта Навумаў («Жэтысу», Талдыкарган, Казахстан), Мікалай Золатаў («Віцебск»).

Паўабаронцы: Станіслаў Драгун, Ігар Стасевіч,  Яўген Яблонскі (усе - БАТЭ, Барысаў), Павел Савіцкі («Дынама-Брэст»), Юрый Кавалеў, Макс Эбонг (абодва - «Шахцер», Салігорск), Іван Маеўскі («Астана», Казахстан), Іван Бахар, Яўген Шаўчэнка (абодва - «Мінск»).

Нападаючыя: Дзяніс Лапцеў («Дынама-Брэст»), Максім Скавыш (БАТЭ, Барысаў), Віталь Лісаковіч («Вараждзін», Харватыя).

Медыя расклад нацыянальнай зборнай выглядае наступным чынам

Абедзве сустрэчы будуць трансліравацца ў эфіры аднаго з тэлеканалаў нацыянальнай дзяржаўнай тэлерадыекампаніі.