Міхаіл Мархель: «Хочам паўтарыць той даўні подзвіг»

Галоўны трэнер нацыянальнай зборнай Беларусі, у кампаніі паўабаронцы Макса Эбонга , адказаў на пытанні журналістаў, напярэдадні матча супраць Нідэрландаў.

- У якім стане знаходзіцца ваша каманда ў дадзены момант, і якое ўражанне пакінула зборная Нідэрландаў у матчы супраць Паўночнай Ірландыі?

- На шчасце, усе здаровыя і гатовыя згуляць. Зараз рыхтуемся ў звычайным рэжыме. Нас добра матывуе статус матчу і сам супернік. Пастараемся надаць больш часу працы над тактыкай. Што ж тычыцца гульні галандцаў, то мы, вядома ж, разбіралі і аналізавалі іх апошні матч. Нешта карыснае вынялі з дзеянняў ірландцаў у тым матчы. Той матч паказаў, што пры правільнай матывацыі і правільнай пабудове гульні можна змагацца і з такімі топавымі камандамі.

- Галандцы ў канцоўцы вырашылі зыход матчу з Паўночнай Ірландыяй. Гэта азначае, што фізічна наш супернік гатовы вельмі добра. А што ў нашых гульцоў з кандыцыямі?

- Дай Бог, каб матчы з такімі супернікамі праходзілі як мага часцей. Думаю, што хлопцы гатовыя вельмі добра.

- Мэмфіс Дэпай выбыў у галандцаў. Наколькі гэта сур'ёзная страта?

- Думаю, што ёсць каму замяніць Дэпая, бо гэта зборная сусветнага ўзроўню. У галандцаў індывідуальна моцныя гульцы, таму будзе складана казаць аб персанальнай гульні супраць кагосьці. Зробім упор на камандныя дзеянні.

- Пасля матчу з эстонцамі вы сказалі, што дзве гадзіны праведзяце ў экрана. Вы глядзелі гульню Нідэрланды - Паўночная Ірландыя, ці ж пераглядалі наш матч?

- Глядзеў гульню галандцаў.

- Што для вас у прыярытэце: набраць ачкі, альбо ж паглядзець, як моладзь сябе праявіць супраць настолькі грознага суперніка?

- Паспрабуем скамбінаваць і першае, і другое, бо мы гуляем перад сваімі гледачамі і павінны даць бой, ну і даць шанец маладым футбалістам праявіць сябе таксама трэба, хочам паўтарыць той даўні подзвіг.

- Вы маеце на ўвазе матч 1995 году?

- Так, менавіта яго.

- Нідэрланды прыехалі сюды толькі за перамогай ... Яны прыехалі укатваць нас.

- Мы і не сумняваліся, што галандцы прыедуць звышматываваныя. Чакаем з іх боку ціск, які пастараемся нівеліраваць.

- Мяркуючы па папярэднім матчу, вы ставіце камандзе больш атакуючую гульню, але супраць валійцаў гэта не спрацавала. Ці варта чакаць падобнага заўтра?

- Класс суперніка абавязвае ўносіць пэўныя карэктывы ў нашу тактыку і гульню ў цэлым, але мы пастараемся не адыходзіць ад абранага вектара. Зразумела, што ўвесь час атакаваць і прэсінгаваць такога суперніка і на такім полі мы не зможам, але пастараемся гуляць у свой футбол.

- Супраць зборнай Эстоніі дзейнічаў у асноўным правы фланг. У нядзелю будзеце таксама так дзейнічаць?

- Не сказаў бы, што мы гулялі толькі праз правы фланг. Як складаўся матч, так мы і гулялі, і стараліся ўсяляк разнастаіць нашы дзеянні. Трохі не атрымаўся нам тады першы тайм, а ў другой палове мы сталі значна больш момантаў арганізоўваць.

- Як ацэніце стан газона?

- Вельмі вязкае поле, як я глядзеў. Спадзяюся работнікі зробяць усё, каб гэта выправіць. У любым выпадку, поле аднолькавае для ўсіх.