Беларусь - Нідэрланды. Традыцыя перарвана
«Белакрылыя» прайгралі ў Мінску ў матчы кваліфікацыі ЕЎРА-2020.
Госці, пацвярджаючы свой фаварытскі статус, з першых секунд матчу ўзялі мяч пад свой кантроль і завалодалі тэрытарыяльнай і гульнявой перавагай. Доўгі час беларусы якасна абараняліся і маглі нават выходзіць наперад: на 27 хвіліне Лапцеў меў добры момант поле розыгрышу кутняга, але з двух спроб не здолеў пераправіць мяч у вароты. На жаль, на зыходзе тайма «колькасць» перайшла ў «якасць» - дубль Вэйналдума на 32 і 41 хвіліне.
Непрыемны фінал тайма не толькі не надламіў «белакрылых», а наадварот раззлаваў і прымусіў больш актыўна пайсці ў атаку. На 54 хвіліне Станіслаў Драгун пераправіў мяч у браму пасля падачы Дзяніса Палякова і ўвёў у эйфарыю 21 тысячу заўзятараў на «Дынама». У застаўшыся час беларусы маглі як і зраўняць лік, так і прапусціць трэці мяч, але лічбы на табло пасля 54 хвіліны ўжо не мяняліся - мінімальная параза зборнай Беларусі 1:2.
На жаль, але традыцыя хатніх перамог Беларусі на Нідэрландамі кожныя 12 гадоў - так было ў 1995 і 2007 годзе - перапыненая.
Адзначым, што ў складзе нацыянальнай зборнай дэбютаваў Яўген Шаўчэнка.
