Зборная Беларусі (U-17) заваявала пуцёўку ў элітны раўнд

Зборная Беларусі, складзеная з хлопцаў не старэйшых за 2003 год нараджэння, згуляе ў элітнай стадыі чэмпіянату кантынента ў сваёй узроставай катэгорыі.

Нагадаем, у турніры, які праходзіў у Мінску нашы хлопцы згулялі ўнічыю з венграмі, саступілі сербам, абыгралі Латвію і занялі выніковае 3 месца.

Згодна з рэгламентам, дзве самыя моцныя каманды кожнай групы і чатыры лепшыя зборныя, якія занялі трэція месцы (па выніках сустрэч з двума лідэрамі сваёй групы), выходзяць у элітны раўнд.

Сёння стала вядома, што наша зборная гарантавала сабе месца сярод чатырох лепшых зборных, сярод заняўшых трэція месцы, і ў сакавіку 2020-га згуляе ў элітнай стадыі чэмпіянату кантынента ў сваёй узроставай катэгорыі.

Пераможцы васьмі груп элітнага раунда і сем лепшых другіх каманд (па выніках матчаў з першай і трэцяй зборнымі сваёй групы) праб'юцца ў фінальную стадыю. У ёй таксама згуляе зборная Эстоніі, якая прыме турнір у траўні 2020 года.