Інфармацыя пра квіткі ў Эстоніі і Уэльсе

Інфармацыя пра квіткі для беларускіх заўзятараў на матчы зборнай Беларусі супраць Эстоніі і Уэльса.

6 верасня зборная Беларусі згуляе ў Таліне на стадыёне «А. Ле Кок Арэна». Пачатак матча а 19.00 па мясцовым часе.

Беларускія заўзятары размесцяцца на Паўночнай трыбуне (на схеме чырвоным), сектары В15-В18 і С15-С18.

Кошт квіткоў – 13 еўра.

Квіткі можна будзе набыць у касе стадыёна (з боку паўночнай трыбуны ) ў дзень матча, пачынаючы з 16:00 і да пачатку гульні. Для набыцця квітка трэба падаць пашпарт грамадзяніна Рэспублікі Беларусь.

Набыць квіткі можна будзе толькі ў касе стадыёна.

Схема стадыёна

9 верасня зборная Беларусі згуляе ў Кардзіфе з Уэльсам. Матч адбудзецца на стадыёне «Кардзіф Сіці» і пачнецца а 19.45 па мясцовым часе (21.45 па беларускім).

Асацыяцыя «Беларуская федэрацыя футбола» перадасць бясплатныя квіткі беларускім заўзятарам, якія плануюць наведаць дадзены матч.

Для таго каб атрымаць бясплатны квіток, трэба пацвердзіць намер наведаць гульню, даслаўшы да 7 верасня ўключна на пошту belkovich@bff.by заяву на квіткі, а таксама свой кантактны тэлефон. Дэталі пра тое, калі і дзе можна будзе атрымаць квіткі, будуць паведамлены дадаткова.

Тэлефон для даведак +375297007038