Чарнагорыя - Беларусь. Перад матчам

Нацыянальная зборная рыхтуецца да таварыскага матчу супраць Чарнагорыі.

Правёўшы заключны матч кваліфікацыі супраць Германіі, учора галоўная каманда краіны прыбыла ў Падгорыцу, а ўжо сёння падапечныя Міхаіла Мархеля апрабавалі газон стадыёна «Пад Горыцам». Удзел у вучэбным занятку не прымалі Аляксандр Гутар і Юрый Кавалёў, якія атрымалі пашкоджанні ў матчы з немцамі і не згуляюць заўтра. Перадматчавай трэніроўцы апярэджвала прэс-канферэнцыя нашага галоўнага трэнера і паўабаронцы Уладзіслава Клімовіча.

Паядынак стане чацвёртым у гісторыі супрацьстаяння нацыянальных зборных Беларусі і Чарнагорыі. Каманды ўпершыню сустрэліся ў лістападзе 2011 года. Супернік атрымаў мінімальную перамогу на сваім полі дзякуючы голу Вучыніча. Улетку 2013 года каманды разышліся мірам у Жодзіна. Сяргей Карніленка адкрыў лік, рэалізаваўшы пенальці, аднак усё той жа Вучыніч аднавіў раўнавагу. Свой апошні паядынак каманды правялі ў сакавіка 2016 - нулявая нічыя ў Падгорыцы.

На клубным узроўні беларускі МТЗ-РІПА сустракаўся зчарнагорскім «Суцьеска» ў Лізе Еўропы УЕФА сезона 2009/2010. Абодва матчы завяршыліся ўнічыю 1:1, але гол Мікалая Рындзюка, забіты ў дадатковы час у хатняй гульні, дазволіў мінскаму клубу прайсці далей.

Адзначым, што заўтра ў складзе нашай дружыны свой дэбютны матч можа правесці Антон Чычкан.

Маючы адбыцца матч Чарнагорыя - Беларусь пройдзе ў Падгорыцы на стадыёне «Пад Горыцам» і пачнецца а 20.00 па беларускім часе.