Выклік у нацыянальную зборную

Міхаіл Мархель вызначыўся з канчатковым спісам гульцоў, што выкліканыя на матч кваліфікацыі чэмпіяната Еўропы УЕФА 2020 супраць зборнай Эстоніі і таварыскі двубой з Уэльсам.

Збор галоўнай каманды краіны будзе доўжыцца з 2 па 10 верасня. Наша дружына змесціцца ў тэхнічным цэнтры Асацыяцыі «Беларуская федэрацыя футбола» і будзе трэніравацца на комплексе футбольных палеў АБФФ. 4 верасня зборная Беларусі накіруецца ў Талін, дзе 6 верасня у пятым гульнявым дні кваліфікацыі ЕЎРА сустрэнецца з Эстоніяй. Супрацьстаянне на стадыене «Ле Кок» распачнецца ў 19.00 па беларускім часе. Далей 7 верасня «белакрылыя» перабазуюцца ў Кардзіф, дзе 9 верасня згуляюць з Уэльсам. Матч на стадыене «Кардзіф Сіці» распачнецца ў 21.45 па беларускім часе.

Галоўны трэнер уключыў у склад нацыянальнай каманды 23 футбалістаў: 

Брамнікі: Аляксандр Гутар («Дынама-Брэст»), Андрэй Клімовіч («»,), Максім Плотнікаў («Дынама-Мінск»).

Абаронцы: Дзяніс Палякоў («Урал», Екацірынбург, Расія), Сяргей Паліцевіч («Кайрат», Алма-Ата, Казахстан), Сяргей Мацвейчык («Шахцер», Салігорск), Захар Волкаў (БАТЭ Барысаў), Аляксандр Паўлавец («Дынама-Брэст»), Мікіта Навумаў («Жэтысу», Талдыкарган, Казахстан), Мікалай Золатаў («Віцебск»).

Паўабаронцы: Станіслаў Драгун, Ігар Стасевіч, Дзмітрый Бага, Яўген Яблонскі (усе - БАТЭ, Барысаў), Павел Няхайчык (усе- «Дынама-Брэст»), Юрый Кавалеў, Макс Эбонг (абодва - «Шахцер», Салігорск), Іван Маеўскі («Астана», Казахстан), Уладзіслаў Клімовіч («Тарпеда-БелАЗ», Жодзiна),  Кірыл Пячэнін («Віцебск»), Іван Бахар («Мінск»).

Нападаючыя: Мікалай Сігневіч («Ферэнцвараш», Будапешт, Венгрыя), Максім Скавыш (БАТЭ, Барысаў).