Упэўнены старт у кваліфікацыі ЕЎРА-2021
Нацыянальная жаночая зборная разграміла каманду Фарэрскіх астравоў з лікам 6:0 у першым матчы кваліфікацыі чэмпіяната Еўропы УЕФА 2021 года.
У дэбютным для сябе матчы на «Барысаў-Арэне» каманда Юрыя Малеева здабыла ўпэўненую перамогу над Фарэрскімі астравамі. «Белакрылыя» адразу ж захапілі ініцыятыву і хутка адкрылі лік. У першым тайме свае прозвішчы ў пратакол унеслі Карына Альховік і Анастасія-Гражына Шчарбачэня. Пасля перапынку малюнак гульні не змяніўся і ўсе тыя ж Шчарбачэня ды Альховік, што аформілі дублі, давялі лік да буйнога. Пасля два мячы на свой рахунак таксама запісала Настасся Харланава, што выйшла на замену і адзначылася з пенальці ды пасля кутавога.
Наступныя матчы кваліфікацыі зборная Беларусі правядзе 4 і 8 кастрычніка супраць Нарвегіі ды Уэльса. Абодва двубоі таксама адбудуцца на «Барысаў-Арэне».
Адзначым, што на сустрэчы прысутнічалі Старшыня Асацыяцыі «Беларуская федэрацыя футбола» Уладзімір Базанаў і намеснік Старшыні Асацыяцыі «Беларуская федэрацыя футбола» Міхаіл Вяргеенка.