Міхаіл Мархель: «Веру ў тое, што з перамогамі прыходзіць упэўненасць»

- Ці будзе шмат змен у параўнанні з матчам у Эстоніі?

- Я думаю, у гэтай гульні мы пастараемся даць шанец праявіць сябе футбалістам, якія не ўдзельнічалі ці мала ўдзельнічалі ў матчы супраць Эстоніі. Таварыскія гульні для гэтага і існуюць, каб нам паглядзець людзей. Асабліва ў такіх умовах як тут - з добрай камандай. У нас шмат маладых хлопцаў, будзем даваць ім шанец.

- Вы чакаеце, што Раян Гігз зробіць тое самае?

- Мне цяжка судзіць.

- Ці чакаеце ўбачыць на гульні Гарэт Бэйл і як вы да яго рыхтаваліся?

- Загадваць не будзем, ці будзе ён гуляць. Калі будзе, то, адпаведна, вялікую ўвагу нададзім гэтаму футбалісту. Заўтра пабачым.

- Мікалай, што вы думаеце пра тое, што можаце сустрэцца з Гарэтам Бэйлам заўтра на полі?

- Гэта топавы футбаліст, але я б не стаў вылучаць яго аднаго ў складзе суперніка. Там ёсць дастаткова моцных футбалістаў, і мы будзем рыхтавацца да ўсей каманды, а не толькі да Гарэта Бэйла.

- Ці чакаеце вы ўбачыць ад зборнай Уэльса тую ж гульню, што паказвала зборная Паўночнай Ірландыі?

- Наколькі мы рыхтаваліся да гульні - трохі разнапланавыя каманды. Я думаю, паралелі праводзіць не варта. Трохі розныя каманды па стылі ў маім разуменні.

- Мікалай, ці моцна хвалюешся перад дэбютам? Лёгка ці складана пачынаць кар'еру ў зборнай матчам супраць такога грознага суперніка?

- Спадзяюся, што мой дэбют яшчэ адбудзецца. Вялікага хвалявання яшчэ няма. Магчыма, яно будзе перад стартавым свістком, але з першым дотыкам яно пройдзе. Заўсёды лепш гуляць з моцнымі супернікамі: у цябе будзе больш магчымасці на фоне іх ўзроўню праверыць і паказаць сябе.

- Вы задаволеныя наогул, што такая гульня будзе праводзіцца? Было шмат абмеркаванняў з нагоды таго, ці патрэбныя таварыскія матчы ...

- У нашай сітуацыі гэта вельмі добрая падмога для падрыхтоўкі да будучых гульняў у Лізе Нацый. Мы шчаслівыя тут апынуцца і згуляць з такім добрым супернікам.

- Ці паўплывала перамога ў пятніцу на настрой і ўпэўненасць каманды?

- Я думаю, што так. Веру ў тое, што з перамогамі прыходзіць ўпэўненасць. Перамога для нас вельмі важная. У псіхалагічным плане гэта вельмі важна для зборнай.

- Заўтра чакаецца каля 6.000 заўзятараў. Якую чакаеце атмасферу і як яна адаб'ецца на камандзе?

- Для нас галоўнае гульня. Ведаючы, як валійскія заўзятары ставяцца да сваёй камандзе - думаю, будзе атмасфера тая, якая нам падыходзіць. Мы рады апынуцца на такім стадыёне і згуляць з такім супернікам. Для нас гэта вялікая школа.

- Будзе перавагай для Беларусі, што прагназуецца мала заўзятараў?

- Не думаю. Мы сутыкаемся з прафесійнай камандай, не думаю, што гэта неяк паўплывае.