Нацыянальная зборная рыхтуецца да матча супраць Уэльса
Нацыянальная зборная рыхтуецца да міжнароднага таварыскага матча супраць Уэльса.
Увечары на стадыёне «Кардыф Сіці» адбылася перадматчавая прэс-канферэнцыя «белакрылых». Міхаіл Мархель адказваў на пытанні журналістаў у кампаніі Мікалая Золатава. Далей гульцы і трэнерскі штаб адправіліся на перадматчавую трэніроўку, якая змясціла ў сябе стандартны набор перадгульнявых практыкаванняў.
Як паведамлялася раней у Кардыф прыбылі 22 футбаліста.
Паядынак стане пятым у гісторыі супрацьстаяння нацыянальных зборных Беларусі і Уэльса. Каманды ўпершыню згулялі ў адборачным цыкле чэмпіянату Еўропы УЕФА 2000, які зборная Беларусі праводзіла пад кіраўніцтвам Міхаіла Вяргяенка. У кастрычніку 1998 года на стадыёне «Нініан Парк» у Кардыфе супернікі выдалі ўпарты матч, які завяршыўся перамогай гаспадароў з лікам 3:2. Галы ў складзе беларусаў у той вечар на свой рахунак запісалі Сяргей Гурэнка і Валянцін Бялькевіч. Праз год у верасні 1999 рэванш на Мінскім стадыёне «Дынама» ў прысутнасці 25 тысяч гледачоў узяць не ўдалося. Васіль Баранаў адкрыў лік у сярэдзіне першага тайма, аднак госці хутка зраўнялі, а вырашальны гол за некалькі хвілін да канца асноўнага часу забіў цяперашні галоўны трэнер суперніка і адна з легенд «Манчэстар Юнайтэд» Раян Гігз. У кваліфікацыі чэмпіянату свету ФІФА 2002 года каманды зноў патрапілі ў адну адборачную групу. Адбор пад кіраўніцтвам Эдуарда Малафеева па праве лічаць найбольш паспяховым у суверэннай гісторыі Беларусі. Восенню 2000 года хатняя сустрэча засталася за намі - 2:1. Забівалі Аляксандр Хацкевіч і Валянцін Бялькевіч. У заключным матчы той кваліфікацыі, які праходзіў на стадыёне «Міленіум» у Кардыфе гол форварда «Селтыка» з Глазга Джона Хартсана забяспечыў мінімальную вікторыю гаспадарам і вельмі крыўднае паражэнне для беларусаў. Тры ачкі ў той гульні дазволілі б «белакрылым» заняць другое месца ў групе і выйсці ў плэй-оф кваліфікацыі чэмпіянату свету ФІФА 2002 года.
Лёсаванне УЕФА ні разу не зводзіла нашы краіны на клубным узроўні.
Заўтра Максім Скавыш можа правесці свой 15-ы матч за галоўную футбольную каманду краіны. Максім Плотнікаў, Захар Волкаў, Кірыл Пячэнін, Мікалай Золатаў і Макс Эбонг могуць дэбютаваць у складзе нацыянальнай зборнай Беларусі.
Маючы адбыцца матч Уэльс - Беларусь пройдзе заўтра на стадыёне «Кардыф Сіці» і пачнецца ў 21.45 па беларускім часе. Гульня будзе паказана ў прамым эфіры тэлеканала «Беларусь 5».
