Трэнерскі штаб зборнай Беларусі правеў майстар-клас у Магілеве

Міхаіл Мархель разам з асістэнтамі наведаў горад на Дняпры, дзе даў старт новай ініцыятыве ад АБФФ і галоўнай каманды краіны. У рамках праекта ва ўсіх абласных цэнтрах рэспублікі плануецца правесці паказальныя заняткі для ўсіх зацікаўленых спецыялістаў рэгіена. Падчас заняткаў настаўнікі «белакрылых» не толькі падзеляцца ведамі, але і на практыцы прадэманструюць канцэптуальныя падыходы да арганізацыі сваей працы.

Якім чынам праект увасобіцца ў жыцце, можна было назіраць напрыканцы тыдня ў горадзе над Дняпром. Разам з памочнікамі Міхаіл Міхайлавіч правеў трэніроўку з камандай "Дняпро U-17" Яўгена Моўчана  — і ў працэсе заняткаў дэтальна спыняўся на сутнасці практыкаванняў і нюансах іх выкарыстання.

Акрамя таго, для спецыялістаў з Магілева, а таксама гасцей мерапрыемства з Бялынічаў, Шклова і яшчэ шэрага населеных пунктаў арганізавалі прэзентацыі Віктар Ганчарэнка і Яўген Шпакаў. Віктар Георгіевіч, які з'яўляецца намеснікам дырэктара тэхнічнага дэпартамента АБФФ, распавеў пра дзйнасць федэрацыйнай акадэміі  — прынцыпы адбору, патрабаванні, што прад'яўляюцца маладзенам-футбалістам, і працэсы па камплектацыі класаў

Тады як Яўген Сяргеевіч, які працуе мэнэджэрам тэхнічнага цэнтра, прадставіў праграму падрыхтоўкі маладых футбалістаў ва ўзросце ад 10 да 17 год  — і распавеў пра яе дэталі на кожным з базавых этапаў.

Наступны майстар-клас Міхаіла Мархеля і яго штаба пройдзе ўжо на наступным тыдні ў Гомелі.