Трэнерскі штаб зборнай Беларусі правеў майстар-клас у Гомелі

Міхаіл Мархель разам з асістэнтамі працягвае вандроўку па рэгіенах Беларусі ў рамках ініцыятывы, што была прапанавана Асацыяцыяй «Беларуская федэрацыя футбола». Чарговы прыпынак настаўнікі «белакрылых» зрабілі на поўдні рэспублікі, дзе сумясцілі майстар-клас для амаль чатырох дзесяткаў спецыялістаз з абменам вопытам, камунікацыяй ды абмеркаваннем найбольш актуальных пытанняў у трэнерскай сферы. Адзначым, што мерапрыемства наведалі не толькі настаўнікі, што занятыя ў прафесійных клубах рэгіена, але і тыя, хто працуе з дзіцячымі ды юнацкімі камандамі.

Заняткі, што працягваліся паўтары гадзіны, мелі прыкладны характар  — і іх цягам Міхаіл Міхайлавіч дэтальна тлумачыў прынцыпы сваей працы і мэтых, якіх імкнецца дасягнуць тым ці іншым комплексам практыкаванняў. Па заканчэнні трэніроўкі, што прайшла на базе гомельскай СДзЮШАР-8, адбыўся сумесны з рэгіянальнымі трэнерамі аналіз убачанага. Затым прадстаўнікі тэхнічнага цэнтра АБФФ, Віктар Ганчарэнка ды Яўген Шпакаў, правялі прэзентацыі, прысвечаныя працы федэрацыйнай Акадэміі — прынцыпам набору, патрабаванням да футбалістаў, працэсам камплектацыі класаў. Акрамя таго, слухачам была прадстаўлена праграма падрыхтоўкі юных спартоўцаў.

Наступны майстар-клас трэнерскага штаба «белакрылых» пройдзе 5 лістапада ў Брэсце.